3 இடியட்ஸ் ஹேர் ஸ்டைலால் அதிருப்தி அடைந்த விஜய்

ஷங்கர் படத்துக்காக மொட்டை அடித்தவர்கள் கமலும், ரஜினியும், ஷங்கரின் க்ரியேட்டிவிட்டிக்காக எதையும் செய்ய தமிழ் சினிமா ஹீரோக்கள் எல்லோரும் காத்திருக்கிறார்கள். அதும் எந்திரன் என்ற பிரமாண்ட படைப்பிற்கு பின் ஷங்கருக்கு உலகளவில் ரசிகர்கள் உருவாகி இருக்கிறார்கள். இவரின் எந்திரனுக்கு அடுத்த படம் என்ன என்று உலகமே எதிர்பார்க்க இவர் முடிவெடுத்த படம் 3இடியட்ஸ் ரீமேக். இதில் நடிக்க எவ்வளவோ ஹீரோக்கள் கிடைக்க பிரச்சனை இருந்தாலும் அமீர்கான் ரோலுக்காக விஜய் மட்டும் உறுதியாக இருந்தார்.

இவர் இருப்பதாலேயே இந்த படத்தில் சிம்பு நடிக்க மாட்டேன் என்று சொன்னதும் நடந்தது. இப்படி ஒரு குழப்பம் வரும் என்று கனவில் கூட நினைத்திருக்க மாட்டார் ஷங்கர். த்ரி இடியட்ஸ் படத்தை தமிழில் ரீமேக் செய்ய அவர் சம்மதித்த வினாடிகளில் இருந்தே இப்படத்தை பற்றி பல்வேறு யூகங்கள். செய்திகள். கிசுகிசுக்கள்….


ஒருவழியாக இம்மாதம் 5 ந் தேதி டேராடூனில் படப்பிடிப்புக்கு ஏற்பாடு செய்தார்கள். விஜய், ஜீவா, ஸ்ரீகாந்த், சத்யராஜ், இவர்களுடன் மகேஷ்பாபு, இலியானா ஆகியோரும் கலந்து கொள்வதாகவும் கிட்டதட்ட பதினொரு நாட்கள் முதல் ஷெட்யூல் படப்பிடிப்பு நடக்கவிருப்பதாகவும் கூறப்பட்டன. எல்லாமே திட்டமிட்டபடிதான் நடந்தது.


நேற்று 300 பேர் கொண்ட படப்பிடிப்பு குழு டேராடூனுக்கு கிளம்பியது. ரயில் ஏறப் போகிற கடைசி நிமிடத்தில் தயாரிப்பு நிறுவனத்திடமிருந்து போகாதீங்க… என்று வந்தது தடையுத்தரவு. ஏன் என்ற விபரம் தெரியாமலே வீட்டுக்கு திரும்பினார்கள் தொழிலாளர்களும் துணை நடிகர் நடிகைகளும் டெக்னீஷியன்களும்.


நாம் விசாரித்தபோது கிடைத்த தகவல்கள் பேரதிர்ச்சியை ஏற்படுத்தின. கடைசி நேரத்தில் இப்படத்தில் நடிக்க விரும்ப வில்லையாம் விஜய். ஹேர் ஸ்டைல், அவருக்கு வழங்கப்பட்ட காஸ்ட்யூம் இவைகளில் அதிருப்தி அடைந்தாராம் அவர். வேலாயுதம் படத்தின் ஷ§ட்டிங் இன்னும் மிச்சமிருக்கிறது. இந்த நிலையில் ஹேர் ஸ்டைலை மாற்றிக் கொண்டால் கன்ட்டினியூனிடி மிஸ் ஆகும் என்று அவர் கூறியதாக சொல்லப்படுகிறது.