துப்பாக்கி திரைப்படத்தில் விஜய்யுடன் நடிகர் ஜெயராம் முக்கிய வேடத்தில் நடிக்கிறார்.கொலிவுட்டில் நண்பன் படத்தினைத் தொடர்ந்து விஜய் நடிப்பில் துப்பாக்கி உருவாகி வருகிறது.
துப்பாக்கி திரைப்படத்தை ஏ.ஆர்.முருகதாஸ் இயக்க, ஹாரிஸ் ஜெயராஜ் இசையமைக்க இருக்கிறார். கலைப்புலி S.தாணு தயாரித்து வருகிறார்.
துப்பாக்கி திரைப்படத்தின் முதற்கட்ட படப்பிடிப்பு மும்பையில் நடைபெற்றது. தற்போது துப்பாக்கியில் முக்கிய வேடத்தில் நடிக்க ஜெயராம் ஒப்பந்தமாகி இருக்கிறார்.
ஜெயராம் நடிப்பில் தமிழில் கடைசியாக பொன்னர் சங்கர் வெளிவந்தது. மலையாள திரைப்படங்களில் நடித்துக்கொண்டிருக்கும் ஜெயராம் தமிழில் நல்ல வேடங்கள் வந்தால் மட்டுமே நடித்து வந்தார்.
இந்நிலையில் துப்பாக்கி படத்தில் ஜெயராமிற்கு விஜய்க்கு இணையான வேடம் கொடுத்து இருப்பதாக தகவல் வெளியாகியுள்ளது.
தயாரிப்பாளர் சங்கம்- பெப்ஸி பிரச்சினை முடிந்தவுடன் நடைபெற இருக்கும் துப்பாக்கி படப்பிடிப்பில் ஜெயராம் கலந்து கொள்ள இருக்கிறார்.
சரோஜா, தாம் தூம் படங்களில் வில்லத்தனமான கதாபாத்திரத்தில் நடித்திருந்தார் ஜெயராம். இப்படத்தில் அவர் வில்லனா இல்லையா என்பது மறைவான செய்தியாக அமைந்துள்ளது.
0 comments:
Post a Comment