விஜய் தங்கையாகநிவேதா தாமஸ்

"தலைவா படத்துக்கு பின், "ஜில்லா என்ற படத்தில் நடிக்கிறார், விஜய். இதில், விஜய் தந்தையாக, பிரபல மலையாள நடிகர், மோகன் லால் நடிக்கிறார். இந்த படத்தில், விஜய்க்கு, தங்கை கேரக்டர் உண்டாம். இந்த தங்கை கேரக்டருக்கு, படத்தில் முக்கியமான ரோலாம். இதனால், இதில் நடிப்பதற்கு பொருத்தமான நடிகையை, நீண்ட நாட்களாக தேடி வந்தனர். 

நீண்ட தேடலுக்கு பின், தற்போது, மலையாளத்தில் பிரபலமான, நிவேதா தாமசை, விஜய் தங்கை கேரக்டரில் நடிக்க, ஒப்பந்தம் செய்துள்ளனர். இவர், சசி குமார் நடித்த, "போராளி படத்தில் நடித்தவர். இதில் நடிப்பது குறித்து, நிவேதா கூறுகையில், "இந்த படத்தில் என், நடிப்பு திறமையை வெளிப்படுத்த கூடிய அளவுக்கு, நல்ல கேரக்டர் கிடைத்துள்ளது. அண்ணனின் வாழ்க்கையில் மாற்றத்தை ஏற்படுத்தும், பாசமான தங்கை கேரக்டரில் நடிக்கிறேன். இதற்கு பின், எனக்கு தமிழில், நல்ல வாய்ப்புகள் கிடைக்கும் என, நம்புகிறேன்என்கிறார்,நிவேதா.