மீண்டும் விஜய்-அசின்

Thursday, February 21, 2013

விஜய் நடிக்கவுள்ள புதிய படமொன்றின் மூலம் மீண்டும் கொலிவுட்டிற்கு வருகிறார் நடிகை அசின்.மீண்டும் விஜய்யுடன் அஸினை ஜோடி சேர வைக்கின்றார் கே.வி. ஆனந்த்.

  ‘மாற்றான்’ படத்தை தொடர்ந்து கே.வி.ஆனந்த் அடுத்து ரஜினியை வைத்து ஒரு படத்தை டைரக்ட் செய்யப்போவதாக தகவல்கள் வெளிவந்து கொண்டிருந்த நிலையில் இப்போது அவர் விஜய்யை வைத்து ஒரு படம் டைரக்ட் செய்யப்போவதாக புதிய தகவல்கள் வெளியாகியிருக்கின்றன.

 தலைவா,ஜில்லா ஆகிய படத்தைத் தொடர்ந்து விஜய் நடிக்கும் இந்த புதிய படத்தை ஏ.ஜி.எஸ் நிறுவனம் மிகப்பிரம்மாண்டமாக தயாரிக்க திட்டமிட்டுள்ளது. காவலன் படத்தின் வெற்றிக்குப் பிறகும் தமிழ்ப்பட வாய்ப்புகளை ஒரு பொருட்டாக எடுத்துக்கொள்ளாமல் இருந்த அசின் தற்போது இந்தப்படத்தின் மூலம் மீண்டும் கோலிவுட்டில் ரீ-எண்ட்ரி ஆகிறார். 

 ஏற்கனவே ஏ.ஜி.எஸ் நிறுவனம் சூப்பர் ஸ்டார் ரஜினியை வைத்து ஒரு படத்தை டைரக்ட் செய்வதற்காக கே.வி. ஆனந்தினை ஒப்பந்தம் செய்திருந்தது. ஆனால் கோச்சடையான் படத்திற்குப் பிறகு தான் சிறிது காலம் ஓய்வெடுக்கப்போவதாக ரஜினி சொல்லி விட்டதால் இப்போது ரஜினிக்கு பதிலாக விஜய்யை செலக்ட் செய்திருக்கிறாராம் கே.வி.ஆனந்த்.

Continue Reading | comments

தலைவாவில் விஜய்க்கு வில்லனாக விஜய்

கொலிவுட்டில் இளையதளபதி விஜய் நடிக்கும் தலைவா படத்தின் இயக்குனர் பெயரும் விஜய் தான். இதையடுத்து பிரபல பின்னணி பாடகர் ஜேசுதாஸின் மகனான விஜய் ஜேசுதாஸ் இன்னொரு விஜய்யாக இப்படத்தில் இணைக்கப்பட்டிருக்கிறார். 

 இப்படத்தில் விஜய்யுடன் மோதும் வில்லனாக யாரை நடிக்க வைக்கலாம் என்று இயக்குனர் விஜய் யோசித்து வந்தபோது, பாடகர் விஜய் வில்லன் வேடத்துக்கு மிகப் பொருத்தமாக இருப்பார் என்று அவரது உதவி இயக்குனர்கள் கருத்து சொன்னார்களாம். இதுகுறித்து விஜய் ஜேசுதாஸிடம் கேட்டுள்ளார் இயக்குனர் விஜய். 

அதற்கு விஜய் படத்தில் நடிக்க வேண்டும் என்று சொன்னதும், என்ன கதாபாத்திரம் என்று கூட கேட்காமல் நடிப்பதற்கு சம்மதம் சொல்லி விட்டாராம் விஜய் ஜேசுதாஸ். அதையடுத்து நேரில் பேசிய போது தான் மொத்த கதையையும் சொல்லிவிட்டு, இந்த படத்தில் வருகிற வில்லன் வேடத்தில் தான் நீங்கள் நடிக்கப் போகிறீர்கள் என்று இன்ப அதிர்ச்சி கொடுத்திருக்கிறார் இயக்குனர் விஜய்.

 பின்னர் முன்பணம் பெற்ற விஜய் ஜேசுதாஸ், சண்டை காட்சிகளில் நடிப்பதற்காக தனது உடற்கட்டை மாற்றியிருக்கிறாராம். நடிகர் விஜய்யின் வழக்கமான சண்டை பயிற்சியாளர்களே விஜய் ஜேசுதாஸின் உடல்கட்டையும் பயற்சி கொடுத்து மாற்றியிருக்கிறார்களாம்.

Continue Reading | comments

ஓமானுக்கு பறக்கும் `தலைவா`

இளைய தளபதி விஜய் நடிப்பில் உருவாகி வரும் தலைவா படக்குழு விரைவில் வெளிநாடு ஒன்றில் படப்பிடிப்பு நடத்த திட்டமிட்டிருக்கிறது.

 ஏ.எல்.விஜய் இயக்கத்தில் உருவாகி வரும் தலைவா படத்தில் விஜய், அமலா பால் நடிக்கின்றனர். ஜி.வியின் இசையில் நீரவ்ஷா ஒளிப்பதிவில் படப்பிடிப்பு நடந்து வருகின்றது. இந்நிலையில் சென்னை, மும்பையில் நடந்த படக்குழு விரைவில் அரேபிய நாடான ஓமன் பறக்கிறது.

 அங்கு ஆக்ஷன் மற்றும் பாடல்களை படம்பிடிக்க உள்ளனர். இதற்கிடையே ஸ்பையின் நாட்டிற்கு தலைவா படக்குழு செல்கிறது என வெளியான தகவலை வதந்தி என படக்குழுவினர் கூறியுள்ளனர்.

Continue Reading | comments

துப்பக்கி 100வது நாள் வெற்றி

Wednesday, February 20, 2013

100வது நாளை கொண்டாடிய விஜய்யின் துப்பாக்கி. சமீபத்திய தமிழ் சினிமாக்களில் ஒரு படம் 25நாட்கள் ஓடுவதே குதிரை கொம்பாக இருக்கிற வேளையில் விஜய்யின் துப்பாக்கி படம் 100வது நாளை கொண்டாடி உள்ளது. ஏ.ஆர்.முருகதாஸ் இயக்கத்தில், விஜய், காஜல் அகர்வால் நடிப்பில் தீபாவளி விருந்தாக நவம்பர் 13ம் தேதி ரிலீஸ் ஆன படம் துப்பாக்கி.

ஸ்லீப்பர் செல் எனும் பயங்கரவாதத்தை மையப்படுத்தி எடுக்கப்பட்ட இப்படம் இதுவரை யாரும் பார்த்திராத ஒரு விஜய்யாக, முற்றிலும் ஸ்டைலான விஜய்யாக துப்பாக்கி படம் காட்டியது. ஆரம்பத்தில் தலைப்பு பிரச்னை பின்னர் படம் ரிலீஸ் ஆன பின்னர் இஸ்லாமிய அமைப்புகளின் எதிர்ப்பு என்று சில பிரச்னைகளை சந்தித்த துப்பாக்கி படம் எதிர்ப்புகளையும் கடந்து சூப்பர்-டூப்பர் ஹிட்டானது. சுமார் ரூ.70கோடி செலவில் எடுக்கப்பட்ட இப்படம் முதல் இரண்டு வாரத்திலேயே ரூ.100கோடிக்கும் மேல் வசூலை ஈட்டியது. மேலும் இதுநாள் வரை ரூ.200கோடியை வசூல் செய்துள்ளதாக கூறப்படுகிறது.

ஏ.ஆர்.முருகதாஸ் மற்றும் விஜய் ஆகியோரின் சினிமா கேரியரிலேயே துப்பாக்கி படம் தான் அதிக வசூலை கொடுத்த படம். துப்பாக்கி படம் இன்று(பிப்-21) 100வது நாளை கொண்டாடி உள்ளது. வசூல் ரீதியாக மட்டும் இல்லாமல், துப்பாக்கி படம் 100வது நாளையும் எட்டியுள்ளதால் இந்த 100வது நாளை ஒரு பெரிய விழாவாக எடுத்து கொண்டாட திட்டமிட்டு இருக்கிறார் தயாரிப்பாளர் கலைப்புலி எஸ்.தாணு. இதில் துப்பாக்கி படத்தில் பணியாற்றிய அனைத்து கலைஞர்களையும் அழைத்து நினைவு பரிசு வழங்க இருக்கிறார் தாணு. 

கடைசியாக விஜய் நடித்த காவலன், நண்பன்,  துப்பாக்கி போன்ற படங்கள் ஹிட் அடித்துள்ளதால் விஜய்யின் ரசிகர்கள் ரொம்பவே உற்சாகத்தில் இருக்கின்றனர். அதுமட்டுமின்றி அவரது அடுத்த படத்தையும் ரொம்ப ஆவலாக எதிர்பார்த்து காத்திருக்கின்றனர்.

Continue Reading | comments